Open Forum on Indian Budget 2021-22

 View Document

Lead College Workshop On ‘भारतीय अर्थव्यवस्था सद्यस्थिती’

“ज्ञान, विज्ञान आणि सुसंस्कार यांसाठी शिक्षणप्रसार”

                                                                       -शिक्षणमहर्षी डॉ. बापूजी साळुंखे

श्री.स्वामी विवेकानंद शिक्षणसंस्था कोल्हापूर संचलित,

शिक्षणमहर्षी डॉ. बापूजी साळुंखे महाविद्यालय, मिरज.

अर्थशास्त्र विभाग आयोजित

अग्रणी महाविद्यालय योजनेंतर्गत कार्यशाळा

 ‘भारतीय अर्थव्यवस्था सद्यस्थिती’

अहवाल

                महाविद्यालयातील अर्थशास्त्र विभागाच्यावातीने दि ७ फेब्रुवारी २०२० रोजी अग्रणी महाविद्यालय योजनेंतर्गत ‘भारतीय अर्थव्यवस्था सद्यस्थिती’ या विषयावर एकदिवसीय कार्यशाळेचे आयोजन करण्यात आले. या कार्यशाळेस अग्रणी समूहातील ६ महाविद्यालयामधून प्रत्येकी १० विद्यार्थी व १ प्राध्यापक यांनी सहभाग घेतला. कार्यक्रमाचे स्वागत व प्रास्ताविक अर्थशास्त्र विभाग प्रमुख सौ. स्वाती हाके यांनी केले. भारतीय अर्थव्यवस्थेसमोरील अनेक ज्वलंत प्रश्नांची चर्चा करावी, चिंतन करावे, अर्थव्यवस्थेची सद्यस्थिती समजून घ्यावी या हेतूने या कार्यशाळेसाठी हा विषय निवडल्याचे त्यांनी सांगितले.

              कार्यशाळेचे उदघाटन व प्रथम सत्राचे अध्यक्ष म्हणून महाविद्यालयाचे प्राचार्य डॉ.  उदयसिंह मानेपाटील उपस्थित होते. या सत्राचे प्रमुख वक्ते प्रा. डॉ. अनिल सत्रे, विभाग प्रमुख मोहनराव पतंगराव पाटील महाविद्यालय, बोरगाव यांनी ‘भारतीय अर्थव्यवस्थेतील वास्तव घडामोडी-लोकसंख्या, बेकारी, दारिद्र्य, दरडोई उत्पन्न, मानव विकास निर्देशांक, अर्थव्यवस्थेतील तिन्ही क्षेत्राचे योगदान इ. बद्दल PPT सादरीकरनासह आकडेवारीतून सखोल मार्गदर्शन केले व विद्यार्थ्यांनी विचारलेल्या शंकांचे निरसन केले. या सत्राचे अध्यक्षीय मनोगत व्यक्त करताना महाविद्यालयाचे प्राचार्य डॉ. उदयसिंह मानेपाटील यांनी ‘राष्ट्राचा विकास हा व्यक्ती विकासावर अवलंबून असून भारतीय अर्थव्यवस्था सुधारण्यासाठी शेती क्षेत्राशी संबंधित प्रक्रिया उद्योगांचा विकास होणे गरजेचे आहे, असे मत मांडले. या सत्राचे आभार डॉ॰ संपदा टीपकुर्ले यांनी मानले.

           कार्यशाळेच्या दुसऱ्या सत्रात प्रमुख वक्ते म्हणून मिरज महाविद्यालयाचे प्रा. डॉ. राजेंद्र जेऊर यांनी भारतीय बँकांची सद्यस्थिती या विषयावर मार्गदर्शन करताना १७७० ते २०१९ या कालखंडातील बँकिंग व्यवस्थेचा आढावा घेत बँकिंग  क्षेत्राची रचना, भारतीय बँकिंग मधील महत्वपूर्ण घडामोडी, LPG धोरणांनंतरची बँकिंग व्यवस्था या गोष्टीवर PPT सादरीकरनातून विद्यार्थ्यांना मार्गदर्शन केले. या सत्राचे  प्रास्ताविक प्रा. संजय पाटील यांनी केले. आभार प्रा. राहुल बनसोडे यांनी मानले. या सत्रासाठी अध्यक्ष म्हणून महाविद्यालयातील हिंदी विभाग प्रमुख प्रा. यशवंत गायकवाड उपस्थित होते॰

         कार्यशाळेच्या तिसर्‍या सत्राचे अध्यक्ष महाविद्यालयातील पदार्थविज्ञान विभागाचे प्रमुख डॉ. जे.एल.भोसले. होते. या सत्राचे प्रास्ताविक वाणिज्य विभाग प्रमुख डॉ. अवधूत नवले यांनी केले. आभार प्रा. स्वाती हाके यांनी मानले. यावेळी विविध महाविद्यालयातून आलेल्या विद्यार्थी व प्राध्यापक यांनी ही कार्यशाळा अत्यंत उपयुक्त व अतिशय माहितीपूर्ण झाल्याचे आपल्या मनोगतातून व्यक्त केले. या सत्राचे अध्यक्ष व मान्यवरांच्या हस्ते प्रातिनिधिक स्वरुपात प्रमाणपत्राचे वितरण करण्यात आले. कार्यशाळेचे संयोजन अग्रणी महाविद्यालय योजना समन्वयक प्रा विजय पाटील यांनी केले. सूत्रसंचालन प्रा श्रुती परचुरे यांनी केले. कार्यशाळेस प्रा. सुहास वाघमोडे, प्रा. विक्रमसिंह भोसले, प्रा. टी.एस. भंडे, डॉ. लीलावती पाटील, डॉ. पुष्पा पाटील, डॉ. अर्चना जाधव, डॉ. सचिन भोसले, प्रा. दिगंबर नागर्थवार, प्रा. जोतीराम आंबवडे, प्रा. शिरगावकर, ग्रंथपाल शुभदा जाधव, प्रा. सुरेखा व्हसमने उपस्थित होते.

                                                                                                                   सौ. स्वाती हाके 

                                                                                                                  विभाग प्रमुख,

                                                                                                                                        अर्थशास्त्र विभाग                                              

. 

Report of Certificate Course in Banking Practice

“ज्ञान विज्ञान आणि सुसंस्कार यांसाठी शिक्षण प्रसार”
                                                                       - शिक्षणमहर्षी डॉ. बापूजी साळुंखे

श्री स्वामी विवेकानंद शिक्षण संस्था कोल्हापूर संचलित

शिक्षणमहर्षी डॉ. बापूजी साळुंखे महाविद्यालय, मिरज

अर्थशास्त्र विभाग

२०१९-२०  

अहवाल
 Certificate Course in Banking Practice

            श्री स्वामी विवेकानंद शिक्षण संस्था संचलित शिक्षणमहर्षी डॉ. बापूजी साळुंखे महाविद्यालय मिरज अर्थशास्त्र विभाग आयोजित Certificate Course in Banking Practice हा कोर्स दिनांक 03 ऑक्टोंबर 2019 ते 4 जानेवारी 2020 या कालावधीत संपन्न झाला.

             या कोर्सची उद्घाटन महाविद्यालयाचे प्राचार्य डॉ. उदयसिंह माने पाटील यांच्या अध्यक्षतेखाली संपन्न झाले. यावेळी बँकिंग कोर्सेचे प्रमुख मार्गदर्शक मा. एल. व्ही. कट्टी, सल्लागार वित्तीय साक्षरता केंद्र बँक ऑफ इंडिया, शाखा सांगली हे उपस्थित होते. उद्घाटन समारंभाचे प्रास्ताविक अर्थशास्त्र विभाग प्रमुख प्रा. स्वाती हाके यांनी केले.

            या कोर्ससाठी 22  विद्यार्थ्यांनी प्रवेश  घेतला. तीन महिने चाललेल्या या कोर्समध्ये मा. श्रीकांत गाडगीळ , माजी वरिष्ठ व्यवस्थापक बँक ऑफ इंडिया ,शाखा मिरज,  मा. विद्या कुलकर्णी व्यवस्थापक, जिल्हा उद्योग केंद्र सांगली,  मा. आकाश मिरगाणे, विपणन अधिकारी बँक ऑफ इंडिया शाखा मिरज या मान्यवरांनी ई-बँकिंग, आरटीजीएस, एनईएफटी, टाईप्स ऑफ चेक, केवायसी,  बँक अकाउंट इत्यादीबद्दल प्रात्यक्षिकासह सखोल मार्गदर्शन केले.

            या कोर्स अंतर्गत बँकेची प्रत्यक्ष कार्यपद्धती विद्यार्थ्यांना समजावी याकरिता दि. आष्टा पीपल्स  को-ऑपरेटिव्ह बँक ली. आष्टा, शाखा मिरज या बँकेला भेट देण्यात आली. यावेळी या बँकेचे शाखाधिकारी मा. प्रविण चौगुले यांनी विद्यार्थ्यांना प्रत्यक्ष कामकाजाबद्दल माहिती दिली चेकचे ऑनलाइन क्लिअरिंग, चेक स्कॅन,  कॅश काउंटिंग मशीन,  सेल्फ डिपॉझिट लाकर इत्यादी बद्दल विद्यार्थ्यांच्या शंका निरसन करत मार्गदर्शन केले. भेटीसाठी अठरा विद्यार्थी उपस्थित होते.

या कोर्स अंतर्गत एकूण 100 गुणांचे मूल्यमापन करण्यात आले. या ज्यामध्ये लेखी परीक्षा 50 गुण, प्रकल्प 20 गुण, सेमिनार 20, गुण व गटचर्चा 10 गुण असे विभाजन करण्यात आले. हा कोर्स यशस्वीपणे पूर्ण केलेल्या विद्यार्थ्यांना प्रशस्तीपत्र देऊन गौरविण्यात आले.

            या कोर्सच्या यशस्वी नियोजन अर्थशास्त्र विभागातील विभाग प्रमुख सौ. स्वाती हाके, प्रा.संजय पाटील, प्रा. राहुल बनसोडे व डॉ. संपदा टिपकुर्ले यांनी केले.

                     सौ. स्वाती हाके

Report of Legal Awareness Program for Agricultural Female Worker

“ज्ञान,विज्ञान आणि सुसंस्कार यांसाठी शिक्षणप्रसार”

                                              -शिक्षणमहर्षी डॉ. बापूजी साळुंखे.

श्री.स्वामी विवेकानंद शिक्षणसंस्था कोल्हापूर संचलित,

   शिक्षणमहर्षी डॉ. बापूजी साळुंखे महाविद्यालय, मिरज.

       अर्थशास्त्र विभाग     

अहवाल

शेतमजूर महिलांसाठी कायदेविषक जागृती कार्यक्रम

       महिला या समाजाचा अविभाज्य भाग आहेत. म्हणूनच घटणेने त्यांना काही अधिकार तसेच काही कर्तव्ये दिली आहेत. बर्‍याचदा अज्ञानामुळे महिलांना त्यांच्या अधिकारांची जाणीव नसते. म्हणूनच स्त्रिया समाजात मोठ्या प्रमाणात अत्याचारला, अन्यायाला बळी पडतात. एक व्यक्ती म्हणून, पत्नी म्हणून, एक कामगार किंवा स्त्री म्हणून महिलांवर होणार्‍या आर्थिक, मानसिक आणि शारीरिक अत्याचाराविरुद्ध दाद मागण्यासाठी शासणाने केलेल्या कायद्यांची प्राथमिक माहिती शेतमजूर महिलांना मिळावी, त्यांच्यामध्ये जागृती निर्माण व्हावी यासाठी शिक्षणमहर्षी डॉ. बापूजी साळुंखे महाविद्यालय, मिरज मधील अर्थशास्त्र विभागाच्यावतीने चांदोली वसाहत कसबे डिग्रज, ता. मिरज येथे रविवार दिनांक ०८/१२/२०१९ रोजी कायदेविषक जागृती कार्यक्रमाचे आयोजन करण्यात आले.

     महिलांना मार्गदर्शन करताना मा. सी. एस. नरवाडकर यांनी सतीचा कायदा, राजकीय, शैक्षणिक व नोकरीमधील आरक्षण विषयक कायदे, किमान वेतन कायदा, कामाचे तास, कामाच्या ठिकाणी मूलभूत सुविधा, आरोग्य विषयक सुविधांचा हक्क, बाळंतपण रजा, लैंगिक शोषण विषयक कायदा, महितीचा अधिकार, असंघटित कामगारांच्यासाठीचे कायदे, हुंडा प्रतिबंधक कायदा, कौटुंबिक हिंसाचार विरोधी कायदा इत्यादी बाबत माहिती दिली.

     महिलांमध्ये जागृती निर्माण होण्यासाठी समाजातील शिक्षित महिलांच्या पुढाकारची गरज आहे असे मत कार्यक्रमाचे अध्यक्ष प्राचार्य डॉ. उदयसिंह मानेपाटील यांनी व्यक्त केले. जोडधंद्याच्या  माध्यमातून  शेतमजूर महिलांनी आर्थिक दृष्ट्या सक्षम होणे आवश्यक आहे, असे मत ग्रामपंचायत सदस्य प्रमोद चव्हाण यांनी व्यक्त केले. शेतमजूर सौ. आरती लोखंडे यांनी मनोगत व्यक्त केले.

     कार्यक्रमाचे प्रास्ताविक अर्थशास्त्र विभाग प्रमुख सौ. स्वाती हाके यांनी केले. कार्यक्रमास ४९ शेतमजूर महिला उपस्थित होत्या. प्रमुख अतिथि म्हणून कसबे डिग्रज ग्रामपंचायतीचे उपसरपंच मा. आरिफ खाटीक उपस्थित होते. कार्यक्रमाचे आभार प्रा. संजय पाटील यांनी मानले. महाविद्यालयाच्या वतीने उपस्थित महिलांसाठी  अल्पोपहाराची व्यवस्था करण्यात आली.

                                                       सौ. स्वाती हाके 

                                                        विभागप्रमुख  

                                                  अर्थशास्त्र विभाग                                      

Certificate Course in Banking Practice Exam

   

“ज्ञान,विज्ञान आणि सुसंस्कार यांसाठी शिक्षणप्रसार”

                               -शिक्षणमहर्षी डॉ. बापूजी साळुंखे

श्री.स्वामी विवेकानंद शिक्षणसंस्था कोल्हापूर संचलित,

शिक्षणमहर्षी डॉ. बापूजी साळुंखे कॉलेज, मिरज

अर्थशास्त्र विभाग

                                                दिनांक : ०२/०१/२०२०

नोटीस

     महाविद्यालयातील  अर्थशास्त्र विभाच्यावतीने आयोजित ‘Certificate Course in Banking Practice’ साठी प्रवेश घेतलेल्या सर्व विद्यार्थ्यांना कळविण्यात येते की, सदर कोर्सची लेखी परीक्षा शनिवार दिनांक ०४/०१/२०२० रोजी सकाळी ठीक ११.०० ते १.०० या वेळेत रुम नं. ०४ (अर्थशास्त्र विभाग) येथे आयोजित केली आहे. तरी सर्व विद्यार्थ्यानी वेळेवर उपस्थित राहावे.

प्राचार्य

Certificate course in Banking Practice Seminars

    

“ज्ञान,विज्ञान आणि सुसंस्कार यांसाठी शिक्षणप्रसार”

                               -शिक्षणमहर्षी डॉ. बापूजी साळुंखे

श्री.स्वामी विवेकानंद शिक्षणसंस्था कोल्हापूर संचलित,

शिक्षणमहर्षी डॉ. बापूजी साळुंखे कॉलेज, मिरज

अर्थशास्त्र विभाग

                                                दिनांक : ०२/०१/२०२०

नोटीस

     महाविद्यालयातील  अर्थशास्त्र विभाच्यावतीने आयोजित ‘Certificate Course in Banking Practice’ साठी प्रवेश घेतलेल्या सर्व विद्यार्थ्यांना कळविण्यात येते की, सदर कोर्स अंतर्गत  शुक्रवार  दिनांक ०३/०१/२०२० रोजी सेमिनारचे आयोजन करण्यात आले आहे. तरी सर्व विद्यार्थ्यानी सकाळी ठीक ११.०० वाजता रुम नं. ०४ मध्ये (अर्थशास्त्र विभाग)  उपस्थित राहावे.
प्राचार्य

Notice for study tour

“ज्ञान,विज्ञान आणि सुसंस्कार यांसाठी शिक्षणप्रसार”

                                      -शिक्षणमहर्षी डॉ. बापूजी साळुंखे

श्री.स्वामी विवेकानंद शिक्षणसंस्था कोल्हापूर संचलित,

शिक्षणमहर्षी डॉ. बापूजी साळुंखे महाविद्यालय, मिरज

अर्थशास्त्र विभाग

२०१९-२०

                                                    दिनांक : ०२/१२/२०१९

नोटीस

     महाविद्यालयातील अर्थशास्त्र विषयाच्या सर्व विद्यार्थ्यांना कळविण्यात येते की, अर्थशास्त्र विभागाच्यावतीने गुरुवार दि. ०५/१२/२०१९ रोजी ‘बळीराजा कृषी पर्यटन केंद्र’, मालगाव येथे अभ्यास सहलीचे आयोजन करण्यात आले आहे. तरी इच्छुक विद्यार्थ्यानी आपली नावे दि. ०४/१२/२०१९ पर्यन्त अर्थशास्त्र विभागातील खालील प्राध्यापकांकडे द्यावीत.

सौ. स्वाती हाके

प्रा. संजय पाटील

                                                         प्राचार्य